عود اذان
عضو طازهـ
عدد الرسائل : 27
تاريخ التسجيل : 02/10/2007
 |  موضوع: لغير الناطقين بلغة اهل القصيم!!!!  السبت أكتوبر 27, 2007 4:09 pm | |
| تسذا = المعنى واضح يعني كذا ولازم تقولها وانت ماد براطمك لتحت  بس بدون تطييرت العيون
فيذا = يعني فيذا . هنا . " حط العشا فيذا " يعني هنا<<حنا ما نقوله عندنا بالقصيم بس العمدة على الكاتب 
مير = والله الورطه وش معناها ذي 
غديه او غديها = يعني كوده او كودها = (( يعني بيفهمون الثانيه )) ,,,,,,,,, مثل ما يقول الابو لولده " رح ادرس كود اخوانك يغارون منك ويذاكرون " او رح ادرس غديك تنجح باتسر وتطلع دختور ... 
صدز = يعني صدق والا صديزته يعني صدقيه 
زلابه =يعني بطه مالها معنى ثاني دلخ = انظر اعلاه 
منهو = من هو وانتهينا 
اشبك البلا فشكلك = مهيب تبعنا هذي حقت الحجاز 
مهيب والا مهوب = بالعربي ( ليس ) مثل " هذا التفتر مهوب لتس يانوير هذا التفتر لاختس دليّل " 
هق! وتي = يعني ( اظن ) مثل " هقوتي انه بذا "
بصرك = يعني بكيفك .... تقول لواحد تعال معنا ... ويقول لك لا منيب جاي ,, ترد عليه "بصرك "<<اول مره اسمع به بس زي ماقلت العمده على الكاتب 
بعدي = مهوب بعدي يعني بعدي بس بعدي .... يعني مثلا يقول الابو لولده ,,,بعدي ابوي بس مدري وشلون تنشرح 
امحق = هذي محتارين فيها العلماء بس انشالله خير وبيطلعون لها تصريفات للماضي والمستقبل ,,,, واللي عنده مثل عن امحق يلحقني لاني تورطت بهالكلمه 
يدربي = يعني يدحرج .... مثل واحدن من الشباب اسمه مدربي رويسه  ....
كنادر = جزمه
سماط = لا تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره
ملاس = ننتسب به الغدا
مراصيع = وفي روايه اخرى رصع ,,, اسالو الحريم ويعلمونكم عنه
قاف = منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح في قاف " عوافيالله هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافيالله
جغمه = جرعه
انقلع + اذلف = فارق (go away)!
وشذا = ماهذا؟
لابد = مختبأ
هاه وش رايكم لطشت لكم الموضوع عشان ماوحدتن تجي باتسر وتقول مافهمت ذا الكلمه<<تعلمكم انه ناطلتن الموضوع بطريقة غير مباشر | |
|
فسفوريهـ
ادهـر وانا جدتك
عدد الرسائل : 71
العمر : 33
تاريخ التسجيل : 05/10/2007
| | موضوع: رد: لغير الناطقين بلغة اهل القصيم!!!! الأحد أكتوبر 28, 2007 12:24 pm | |
| هههههههههههههههههههه والله مشكورين علمتينه القصيمي
مشكوره على الموضوع | |
|
عود اذان
عضو طازهـ
عدد الرسائل : 27
تاريخ التسجيل : 02/10/2007
| | موضوع: رد: لغير الناطقين بلغة اهل القصيم!!!! الخميس نوفمبر 01, 2007 6:22 am | |
| عفوا خيتوي ونستقبل اي استفسارات برحبن صدر  | |
|
Don`t be sad !
عضو طازهـ
عدد الرسائل : 18
العمر : 35
المهنه : يمكن رائدة فضاء في المستقبل
تاريخ التسجيل : 05/10/2007
| | موضوع: رد: لغير الناطقين بلغة اهل القصيم!!!! السبت نوفمبر 03, 2007 7:43 pm | |
|  تسلميـــــــن ع الموضوع يالله لاتحرمني من ابداعها  (لا تحرمنن من ابداعه)<<<<< تتعلم القصيمي بسرعه  | |
|
التسجيل 
دخول